ژ ئەبو هورەیرەی (خودێ‌ ژێ‌ رازیبیت) كو پێغەمبەر (سلاڤ لێ‌ بن) دبێژیت( دَعُونِي مَا تَرَكْتُكُمْ إِنَّمَا هَلَكَ مَنْ كَانَ قَبْلَكُمْ بِسُؤَالِهِمْ وَاخْتِلَافِهِمْ عَلَى أَنْبِيَائِهِمْ فَإِذَا نَهَيْتُكُمْ عَنْ شَيْءٍ فَاجْتَنِبُوهُ وَإِذَا أَمَرْتُكُمْ بِأَمْرٍ فَأْتُوا مِنْهُ مَا اسْتَطَعْتُمْ ) رواه البخاري.ئەڤە وەصیەتا پێغەمبەری یە (سلاڤ لێ‌ بن) بو ئوممەتا خو دیار دكەت گرنگیا پیتەدانێ‌ ب سووننەتا خو (سلاڤ لێ‌ بن) و مە هشیاردكەت ژ ژێكجدابوونا موسلمانا، ئەڤجا پێغەمبەر (سلاڤ لێ‌ بن) دبێژیت: هوین پهێلن ئەوا من بو هەوە دويڤ خو هێلاى ژ ئاخفتن و كریارێن من ژبەركو خودایێ مەزن هندەك مللەتێن پێش هەوە یێن ژناڤ برین و پیچكرین ژبەر پرسیاركرنا هندەك تشتان پشتی بو وان هاتینە دیاركرن و ڕونكرن و ژبەر كو ئەوژی دناڤبەرا واندا دوبەرەكی چێ بویە دگەل پێغەمبەرێن وان ئەڤجا ئەگەر من هین ژ تشتەكی دانە پاش هین خو ژێ‌ بدەنە پاش وگوهداریا من بكەن، وئەگەر من بەرێ‌ هەوە دا تشتەكی و من فەرمانا هەوە پێ كر هوین گوهداربن و لدویڤ هەرن و لدویڤ پێچێبوونا هەوە.     ژ كورێ‌ عەباسی كو دبێژیت هندەك مروڤان پرسیار ژ پێغه‌مبه‌رێ‌خودێ‌ (سلاڤ لێ بن) دكر كو مەرەما وان ترِانه‌ كرن بوو ، دا زەلامەك پرسیارێ‌ ژ پێغەمبەری (سلاڤ لێ بن) كەتن و بێژیت: كانێ‌ بابێ‌ من؟ و ئێكێ‌ دی دا بێژیت: كانێ‌ حێشترا من؟ ئەڤجا خودایێ‌ مەزن ئەڤ ئایەتە ئینا خارێ‌ كو دبێژیت:(يَا أَيُّهَا الَّذِينَ آَمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ وَإِنْ تَسْأَلُوا عَنْهَا حِينَ يُنَزَّلُ الْقُرْآَنُ تُبْدَ لَكُمْ عَفَا اللَّهُ عَنْهَا وَاللَّهُ غَفُورٌ حَلِيمٌ)(101 سورة المائدة) رواه البخاري.د ئەڤێ‌ ئايه‌تێ‌ دا خودایێ‌ مەزن ئەم موسلمان یێت داینە پاش ژ پرسیارا كو مەرەم ژێ‌ ترانەكرن بیت یان هەر مەرەمەكا دی بیت كو هزرا مروڤی ئەو نەبیت بو زێده‌ پێزانین یان مفا وەرگرتن بیت كا چاوا گەلەك مروڤێن دوو ری ئانكو (منافق) لسەر دەمێ‌ پێغەمبەری (سلاڤ لێ بن) كارێ‌ وان ئەڤە بوو.پێغەمبەرێ خودێ‌ (سلاڤ لێ بن) خەلك ددا پاش ژگوتگوتكا و گەلەك پسیارا كو چ مفا تێدا نەبیت و بەرزەكرنا پارا ئانكو پارە نە ئێتە مەزاختن ل جهێن كو مفایێن مروڤا تێدا نه‌ بن.