1- به‌حسێ پێـغه‌مـبه‌رى (سلاڤێن خودێ ل سه‌ربن) دكه‌ن دبێژن كه‌سه‌ك بوو یێ ناڤـچاڤ ڤه‌كرى،وه‌كى ته‌ ددیت دا بێـژى نورهه‌ك یا ژێ دچـیت وێـنه‌ و روییه‌كێ گه‌له‌ك جـوان وماقویل هه‌بوو.
2- به‌حسێ پێـغه‌مـبه‌رى (سلاڤێن خودێ ل سه‌ربن) ژ به‌ژن وبالانڤه‌ نه‌گه‌له‌ك یێ درێژبوودرێژییـه‌كا كرێت و نه‌گه‌له‌ك یـێ كـورت بوو كورتییـه‌كا كرێت، به‌لكو د ناڤبـه‌را هه‌ردوكاندا بوو ، وپتـر به‌ره‌ ف درێژ ییێڤـه‌ بوو (درێژییـه‌كا تازه‌).
3- هه‌روه‌سا سپیاتیا له‌شێ پێـغبه‌رى (سلاڤێن خودێ ل سه‌ربن) و رویـێ وى ، نه‌گه‌له‌ك یێ سـپى بوو سـپیییه‌كێ سار و نه‌گه‌لـه‌ك یـێ ئه‌سمـه‌ر ژى بوو ئه‌سمـه‌رییه‌كا سه‌ر ب ره‌شـیڤه‌ ، بـه‌لكو سـپیاتییا وى رهێت خوینا له‌شـێ وى تێدا دیار دبوون وه‌كى سپییه‌كێ سه‌ر ب سۆریڤه‌ گه‌له‌ك یێ شرین و تازه‌.
4- هه‌روه‌سا به‌حسێ سـه‌رێ پێـغـه‌مـبه‌رى (سلاڤێن خودێ ل سه‌ربن) دكه‌ن و موییێـت له‌شـێ وى ، موییێـت له‌شـێ وى نه‌ د خه‌له‌ك بوون ونه‌ د راسـت بـوون (سَرح)كـوهه‌ما ب له‌شـێ ویـدا بهێتـه‌ خـوار ، دناڤـبه‌را هه‌ردوكاندا بوون.
5- له‌شـێ پێـغـه‌مـبه‌رى (سلاڤێن خودێ ل سه‌ربن) وبه‌ژن و بالێت وى د راسـت بوون و هه‌مى گه‌هێت له‌شێ وى دگه‌ل وه‌كهه‌ڤ بوون ، هه‌روه‌سا وه‌كهه‌ڤیـه‌ك هـه‌بوو د ناڤـبه‌را درێـژى و قه‌له‌وییێـدا ، له‌شـێ وى گه‌لـه‌ك تازه‌ ، وه‌كى ته‌ به‌رێ خۆ دایێ چاڤێـت ته‌ هه‌مى دگرت ، نه‌بوو تو بێـژى خۆزى پیچه‌ك به‌ژناوى درێژتر با ئان پیچه‌ك قه‌له‌وتر، نه‌خێر.
6- نه‌گه‌له‌ك یـێ قه‌له‌و بوو، قه‌له‌وییـه‌كا كرێـت نه‌گه‌لـه‌ك یێ زه‌عـیف بوو زه‌عیفییـه‌كا كرێت بـه‌لكـى یـێ ناڤنجى بوو، سڤك برێڤه‌ دچۆ، ده‌مێ برێڤه‌ دچۆ هژاندنه‌ك دكه‌ته‌ له‌شێ وى ب لایـێ راسـتێ و چـه‌پێ نه‌ ب لایـێ سـینگى و پـشتى.. چـونكى مـرۆڤێت سه‌رخۆش بڤى ره‌نگى برێڤه‌ دچن،به‌لێ ب لایـێ راستـێ و چـه‌پێ هژیان بكه‌فتێ نیشانا هێزێیه‌.
7- وه‌كى برێڤه‌ دچۆیێ سڤك بوو، ئه‌ڤه‌ ژى نیشانێـت خۆراگرتنـاوینه‌. و ده‌مـێ پێنگاڤێت خۆ دهاڤێتن پێنگاڤێت وى د فره‌هـ بوون (ژێـك فڕ )،نه‌وه‌كى مرۆڤێت خۆمه‌زنكه‌ر پێنگاڤێت وان د بـچویك و هێدینه‌.
8- پێـغـه‌مـبه‌رێ مه‌ (سلاڤێن خودێ ل سه‌ربن) ناڤ ملێت وى د په‌حن بوون سینگێ وى ژى به‌رامبه‌ر ملێت وى د په‌حن بوون.
9- پـرچا سه‌رێ پێـغـه‌مـبه‌رى (سلاڤێن خودێ ل سه‌ربن) یاشۆر بوو،ژ سینگیڤه‌ هه‌تا سه‌ر گوهێت وى دهات و ژپشتێڤه‌ دگه‌هشته‌ سه‌ر ملێت وى.
10- ده‌ستـێت پێـغـه‌مـبه‌رى (سلاڤێن خودێ ل سه‌ربن) د تژى گۆشـت بوون و تبلێـت وى د دێژ بوون،ده‌ستێ وى نه‌ یێ گران بوو، ئه‌نه‌س دبێژیت: (ده‌سـتێ پێـغـه‌مـبه‌رى (سلاڤێن خودێ ل سه‌ربن)ده‌سـته‌كی وه‌سا بوو زێده‌ زێده‌ یێ نه‌رم بوو)، دبێژیت: (وه‌كـى مـرۆڤ ده‌سـتێ خـۆ دكه‌ته‌ د ده‌ستێ پێـغـه‌مـبه‌رىدا (سلاڤێن خودێ ل سه‌ربن)من چو تشتێ وه‌سا نه‌رم نه‌دیتیه‌).
11- مویێت ریهێت وى و سینگێ وى دبێژن د زراڤ بوون، نه‌ د زڤر بوون و دگه‌ل هندێ د درێژ ژى بوون و سینگێ وى هه‌مى موى بوو.
12- ده‌مێ پێـغـه‌مـبه‌ر(سلاڤێن خودێ ل سه‌ربن) دزڤڕى ب هه‌مى له‌شێ خۆڤه‌ دزڤڕى، نه‌ به‌س سه‌رێ خۆ باددا.
13- ده‌ڤێ پێـغـه‌مـبه‌رى (سلاڤێن خودێ ل سه‌ربن) نه‌گه‌له‌ك یێ بچویك بوو كو په‌یڤ ب دورستـى ژێ ده‌رنه‌كه‌ڤن و نه‌ گه‌له‌ك یێ مه‌زن ژى بوو یێ كرێت ، به‌لكو یـێ ناڤنجـى بوو به‌لێ پـتربه‌ره‌ف مه‌زنیێڤـه‌ بوو،له‌وا پێـغـه‌مـبه‌ر (سلاڤێن خودێ ل سه‌ربن) یـێ فه‌صـیح (ره‌هـوان) بـوو د ئاخفتنیـدا ژبـه‌ر جوانـییافه‌صالا ده‌ڤێ وى.
14- چاڤـێت پێـغـه‌مـبه‌رى (سلاڤێن خودێ ل سه‌ربن) د ره‌ش بوون، و سپیلكا وان سپییه‌كى سافى بوو، چاڤێت وى زێده‌ د ڤه‌كرى بوون، مـژویلانكێت وى دزراڤ و ره‌ش و درێژ بـوون ده‌مـێ مـژویلانكێت خـۆ ڤـه‌دكرن و چاڤێت وى ده‌ردكه‌تن ته‌زته‌زینكه‌ك ب سه‌ر له‌شێ مرۆڤیدا دچـۆ.
15- پێت پێـغـه‌مـبه‌رى (سلاڤێن خودێ ل سه‌ربن) د بن گۆزه‌كێـدا د كێم گۆشـت بـوون،وه‌كى مرۆڤى به‌رێ خۆ ددایێ چاڤێت مرۆڤـى ژێ تێـر نه‌دبوون هندى هند جوان بوون.
16- بریێـت پێـغـه‌مـبه‌رى (سلاڤێن خودێ ل سه‌ربن) كڤان بوون، ل نیـڤـه‌كێ دگه‌هـشتنه‌ ئێك و زراڤ و درێـژ بوون.
17- دفنا پێـغـه‌مـبه‌ر ى(سلاڤێن خودێ ل سه‌ربن) نه‌ یا بـچویك بوو نه‌ یا مه‌زن ژى بوو كو مـرۆڤ بێژیت ژ له‌شـى نائێت به‌لكى یا ناڤنجى بوو.
18- سه‌رێ پێـغـه‌مـبه‌رى (سلاڤێن خودێ ل سه‌ربن) یێ گرۆڤر بوو، ئه‌نیا وى ژى یا په‌حن بوو،گه‌له‌ك یا تازه‌ بوو.
19- ریهێت پێـغـه‌مـبه‌رى(سلاڤێن خودێ ل سه‌ربن) د تژى بوون و نه‌ د ته‌نك بوون و نه‌ یێ كۆسه‌ بوو
20- ددانێت پێـغـه‌مـبه‌رى (سلاڤێن خودێ ل سه‌ربن) یێت سینگى پیـچه‌كێ د ژێك فڕ بوون ویێت دى رێزبوونه‌كا گه‌له‌ك جوان تێدا بوو، دبێژن ده‌مـێ پێـغـه‌مـبه‌ر (سلاڤێن خودێ ل سه‌ربن) دگرنـژى هـه‌ردوو ددانێـت وى یێت سینگى چه‌وا ئاسـنه‌ك هـه‌بیت ب برسـقیت یان ده‌مـێ بریـسى ڤه‌دده‌ن وه‌سا ددانێت وى دبرسقین وددانێت وى وه‌كـى دنـدكێت گژلۆكێ بوون نه‌ د زراڤ بوون د كرێت، دبێژن ده‌مـێ دئاخفت مرۆڤى دگۆت ئه‌ڤـه‌ رۆناهییه‌ك یا ژ ده‌ڤێ وى ده‌ردكه‌ڤیت.
21- گه‌رده‌نا پێـغـه‌مـبه‌رى (سلاڤێن خودێ ل سه‌ربن) نه‌ یێ ستۆ نافمل بوو و نه‌ یێ ستۆ درێژ بوو، به‌لكى گه‌رده‌نه‌كا وه‌سا هه‌بوو هه‌ر مـرۆڤى دڤـیا بـه‌رێ خۆ بده‌تـێ.
22- رویێ پێـغـه‌مـبه‌رى (سلاڤێن خودێ ل سه‌ربن) نه‌یێ لام پف بوو نه‌ یـێ زه‌عـیف بوو ژى كو هه‌ستییـێ لامێت وى ده‌ركه‌ڤیت، به‌لكو هه‌مى یێ راست بوو و یێ گرتى بوو دگه‌ل هه‌ستى.
23- له‌شێ پێـغـه‌مـبه‌رى (سلاڤێن خودێ ل سه‌ربن) له‌شه‌كێ لێكداى بوو، نه‌یێ ژ بـه‌رێك چـۆیی بـوو مرۆڤ بێـژیت دێ هـه‌ڕفیت، نـه‌یـێ تژى گۆشتت بوو مرۆڤ بێژیت یێ دهه‌ژیێت چ قه‌له‌ویێ.
24- دبێژن هه‌كه‌ ته‌ ژنوى دیتبا دا هه‌یبه‌ته‌ك ته‌ گـریت ودا رێزگرتنه‌كا مه‌زن بۆ گرى بێـى خۆ، هه‌كه‌ تو چۆبایه‌ ده‌ستى حه‌ژێكرنا وى رۆژێ دا دلێ ته‌دا زێده‌تر لێ ئێت.
25- عه‌لیێ كورێ ئه‌بوتالبى دبێژیت: (نه‌ به‌رى وى، نه‌ پشتى وى من كه‌سێ وه‌سا تازه‌ نه‌دیتبوو).
26- جابـرێ كوری سـه‌موره‌ى به‌حسێ رۆناهیا پێـغـه‌مـبه‌رى (سلاڤێن خودێ ل سه‌ربن) دكه‌ت و دبێژیت: (ل شه‌ڤه‌كا تاڤه‌هه‌یڤێ یا زه‌لال من پێـغـه‌مـبه‌ر (سلاڤێن خودێ ل سه‌ربن)
ل چۆلى دیت دوو جلكێت سۆر ل به‌ر بوون دگه‌ل عه‌باى و دشداشـه‌ى) ، دبێـژیت: (من به‌رێ خۆ ددا هه‌یڤێ و پێـغـه‌مـبه‌رى (سلاڤێن خودێ ل سه‌ربن) )، دبێژیت: (والله ل ده‌ف من پێـغـه‌مـبه‌رى (سلاڤێن خودێ ل سه‌ربن) گه‌له‌ك جوانتر بوو ژ هه‌یڤێ).
27- پسیار ژ به‌رائێ كورێ عازبى هاته‌كرن، گۆتێ: ئه‌رێ سه‌رێ پێـغـه‌مـبه‌رى (سلاڤێن خودێ ل سه‌ربن) ودێمێ وى شتى شیرى بوو، ئانكو(شتـى شیرى ژ دویرڤه‌ دبرسقى)؟ گۆت نه‌خێر وه‌كى هه‌یڤێ بوو.
28- ئه‌بوهوره‌یره‌ دبێژیت: (من نه‌دیتیه‌ مرۆڤ ژ پێـغـه‌مـبه‌رى (سلاڤێن خودێ ل سه‌ربن)تازه‌تر ، گه‌له‌ك جارا من به‌رێ خۆددایێ من هزر دكر ئه‌ڤ رۆژه‌یا د دێمـێ ویدا دزڤڕیت هنـدى هند یـێ تازه‌ بوو،دبێژیت:وه‌كى دگرنژى یان دكره‌ كه‌نى وه‌سا رویێ وى گه‌ش د بوو كا چه‌واتشته‌ك د شیشه‌كێـدا ده‌ردكه‌ڤیت).
29- ده‌یكا مه‌عبـه‌دى دبێژیت: (ژ دویرڤه‌ ژهه‌مى كه‌سان جـوانتره‌ بوو، و ژ نێزیكڤه‌ ژهه‌میان شرین و باشتر بوو).
30- كـورێ ئه‌بوهاله‌ى دبێژیت: (ناڤـچاڤێت وى دگـه‌چ بوون كا چه‌وا هه‌یڤا چارده‌ شه‌ڤى یا گه‌ش بوو).
31- ئه‌نه‌س دبێژیت: (من بێهنا مسك و عه‌نبه‌را نه‌هه‌لكێشایه‌ ونه‌ یا چو تشتێ دى ژ بێهنا پێـغـه‌مـبه‌رى (سلاڤێن خودێ ل سه‌ربن) خۆشتر ).
32- جابرێ كورێ سـه‌موره‌ى دبێژیت: (جاره‌كێ پێـغـه‌مـبه‌رى (سلاڤێن خودێ ل سه‌ربن) ده‌ستێ خۆ ب رویێ منـدا ئینا ده‌سـته‌كێ هنـد یێ نه‌رم و هین و خۆش بوو دگه‌ل بێنه‌كێ دێ بێژى ڤێ گاڤێ یێ ژ عومباره‌كا مسك و عه‌نبه‌ران ئینانیه‌ ده‌ر).
33- هه‌روه‌سا دبێژن ئه‌گه‌ر هاتبا ده‌ستێ ته‌ وێ رۆژێ هه‌میێ بێن ژدوستێ ته‌ نه‌دچۆ.
34- پێـغـه‌مـبه‌رى (سلاڤێن خودێ ل سه‌ربن) گه‌له‌ك حه‌ژ بـچویكان دكر، ده‌ستێ خۆ ب سه‌رێ وانـدا دئینا، ڤیجا ئه‌گه‌ر ئه‌و بـچویك چـۆبا د ناڤ سه‌د بچویكاندا وێ رۆژێ هه‌میێ � ژبه‌ر بێنا وى � دا زانى كا ده‌ستێ خۆ كریه‌ سه‌رێ كیژ بچویكى.
35- رۆژه‌كێ پێـغـه‌مـبه‌ر (سلاڤێن خودێ ل سه‌ربن) ل مالا ئه‌نه‌سێ كوری مالكى نڤست و دنیا گه‌رم بوو، پێـغـه‌مـبه‌رى (سلاڤێن خودێ ل سه‌ربن) خوهـ دا، ده‌یكا ئه‌نه‌سـى پاته‌ك ئینـا د خوها وى دا، بـۆ خـۆ دبر هنـدى هنـد خوهـ ددا و دبر دگڤاشته‌ ناڤ قۆلانیا خۆ، پێـغـه‌مـبه‌ر (سلاڤێن خودێ ل سه‌ربن) را بوو ڤه‌ گۆتێ: ئه‌و تو چ دكه‌ى ده‌یكا ئه‌نه‌سى؟ گۆت: ئه‌زا خوها ته‌ بۆ خۆ دبه‌م. گۆت: من ئامانه‌كێ هه‌ى یێمسك و عه‌نبه‌ران ئه‌ز ناڤ هلدده‌م دا قۆلانیا من بێنا وێ خۆش بیت.
36- ئیمامێ بوخارى دبێژیت: نه‌بوو پێـغـه‌مـبه‌ر (سلاڤێن خودێ ل سه‌ربن) د كۆلانه‌كیرا چۆبا ئان رێكه‌كێ، هه‌كه‌ ئێك د دویڤدا چۆبا ئیلا � ژبه‌ر بێنا وى یا خۆش- دا زانیت یێ د ڤێرێرا چۆى.
37- جابر دبێژیت: جاره‌كێ پێـغـه‌مـبه‌رى (سلاڤێن خودێ ل سه‌ربن) ئه‌ز ل پشت خـۆ سویاركرم ،دبێژیت: ئه‌ز رابووم من ده‌ڤێ خۆ كره‌ نیشانا وى (نیشانا پـێغه‌مـبه‌راتیێ � خاتم النبوة) دبێژیت: وه‌سا بێنا مسك و عه‌نبه‌ران ژ ده‌ڤێ من هات وهاتا مرى ژى بێن ژ ده‌ڤێ وى دهات.
38- ئیـمامێ عـه‌لى دبێژیت: (ده‌مـێ پێـغـه‌مـبه‌ر(سلاڤێن خودێ ل سه‌ربن) چـۆیه‌ به‌ر دلۆڤانیا خۆدێ ، من بێنه‌كا نه‌خۆش نه‌دیت ، هـه‌مى بێنێت خۆش بوون، دبێژیت: من گۆتێ (طبت حيا وميتا- ب ساخى و ب مرنا ته‌ ژى هـه‌ر بێنێـت خـۆش ژ ته‌ دئـێن). دبێـژیت: ده‌مـێ مه‌ ژ شویشتنێ خلاس كرى ئه‌و ژۆرا مه‌ تێڤه‌ شویشتى هه‌مى تژى بێن بوو، و ئه‌بوبه‌كر ژى هات ماچ كره‌ ب ئه‌نیا ویڤـه‌ و گۆت: (طبت حيا وميتا).
39- عا ئـیـشایێ گه‌له‌ك زیره‌ڤانـیا پێـغـه‌مـبه‌رى (سلاڤێن خودێ ل سه‌ربن) دكر، گۆتێ یا پـێغـه‌مـبه‌رێ خۆدێ ئه‌م دبینین تو دچییه‌ ده‌ست ئاڤێ به‌لێ پا ئه‌م ل دیڤ ته‌دا دچین چو نابینین؟ پێـغـه‌مـبه‌رى (سلاڤێن خودێ ل سه‌ربن) گۆتێ یا عائیـشا ما تو نوزانى خودایێ مه‌زن ئه‌مرێ ئه‌ردى یێ كرى چو تشتێ ژ له‌شـێ پێغه‌مـبـه‌ران ده‌ركه‌ڤیت داعویریت، و هه‌ر بێنا خـۆش ژێ دئێت به‌لێ پا ب ئه‌مـرێ خودێ دادعویریت.